إلتهاب رموش

إلي قرأتوه مظبوط، محسوبكم ملتهبه رموشه!

هي القصة:

مثل ما بتعرفو، عملت ليزك من شهرين ونص ورحت من فترة للمراجعة. اجا الدكتور وتفرج على شعراتي النهفة وحط المجهر وفحص عيني.

جميل جميل.. كل شي تمام الحمدالله. مبروك كنان عيونك ماشالله ممتازين.

منيح خبر حلو.

بس رموشك زباله!

مين؟

رموشك يا أفندي.. شي مقرف!

ليش؟ خير شبن؟

ورجيني تشوف… اع! ليش هيك يا كنان، شو ما بتغسل؟ ما عندكم مي بالبيت؟

يا زلمة بغسل وأنا عم نشف، شو فيييي احكي!

لازم نضف رموشك هلأ..

تفضل

كنان عيوني سماع، عيونك ما فيهن شي الحمدالله بس رموشك ملتهبين.

لك كيف رموش بتلتهب يا زلمه! كلن شعر!

اه مزبوط هو الإلتهاب بجفونك بس رموشك إلي أكلت خرى.

بالله شو؟

يعني بتاخد هاد المرهم ست أشهر

نعم؟ مشان رموش؟

بدك تصفى بلا رموش؟

طيب ماشي.

.….….….…..

فمثل ما شايفين، مين في واحد متخلف بالدنيا مفصوم بتلتهب رموشه؟ يعني بين كل شي متخلف بالدنيا، اجاني إلتهاب رموش؟

على قولت صاحبي، أجدب!