Fairuz, The Lady With the Umbrella


مافي كلمات بتعبر عن شعور الإنسان لما يكون بعيد رميت وردة، رميت قرنفله عن زهرة المدائن، مسافة كلمة بتحكي روايات وقصص، بتغني بألحان بتاخدك على بلادك، بتأثر بأحاسيسك، بتنزلك دمعة حزن الشوق للوطن، بتنزلك دمعة فرح، دمعة حنان، دمعة بتئلك انك انسان، دمعة بكاء وضحك لا حزناً ولا فرح.

دمعة تقيلة عالعين، غاليه عالقلب، دمعة بتنسم عليك هوى القرنفل.

يا قرنفل، يا زهرة قلب كل عربي، لا…. بل قلب كل انسان أخذ من عطرك نسمات بتموج بالبحر، بتحلق بالسماء، بتاخدنا على الجبل البعيد، على كرم العلالي. كلماتك بتاخدنا على تلال الزراعين، بتحكيلنا حكاية أوضة منسيه، بتضحكنا مع اللوز، من عز النوم بتسرقينا وبتنيمينا مع ريما.

يا قرنفل، خلي البحر ونزلي عالبر، من طول فرقة دمعنا فوق خدنا عبر. جيبيلنا معك سلام من وطن السلام. حكيلنا عن بلدنا، طمنينا على أم سليمان. طمنينا على الصبي والصبيية، على ستي، على العروس ومدخل العرس.

اااه يا قرنفل، ما أحلى اناشيد الليل لما ايكون صوتك بالحارات عم ياخدنا مشوار.

يا قرنفل، يا فيروز، زورينا كل سنة مرة. تركتيلنا شال ومنديل، كتبتيلنا فيه مكاتيب وحكايات، رحتي وتركتينا عالباب منودع. رجعيلنا يا فيروز، ورجعينا على بلدنا، على وطنا.

صح النوم، هي شمسيتك يا قرنفل، هي منديلك الأصفر، كتبنالك فيها سلام، خذيه معك، الله معك، يا قرنفل، يا زهرة المدائن…

يا فيروز.

Comments

comments